තොරතුරු පද්ධති සංවර්ධන ක්‍රියාවලිය
Information System Development Process
11 ශ්‍රේණියේ පළමු පාඩමේදී අවධානය යොමු වූයේ
පරිගණකය මගින් විවිධ ගැටළු විසදීම සදහා අවශ්‍ය ක්‍රමලේඛ නිර්මාණය සම්බන්ධවයි.
එහිදී අපි පැස්කල් ක්‍රමලේඛණ භාෂාව භාවිතා කර විවිධ සරල ගැටළු සඳහා ක්‍රමලේඛණ
නිර්මාණය කළ බව ඔබට මතක ඇති. එසේම එවැනි ක්‍රමලේඛණ නිර්මාණය පිළිබඳ තවදුරටත්
හැදෑරීමෙන් පරිගණක පද්ධති සඳහා අවශ්‍ය මෘදුකාංග නිර්මාණය කළ හැකි බව ඔබ මේ වන විට
අවබෝධ කර ගෙන සිටියි.
එසේ නම් ඔබ අනාගතයේදී පරිගණකයට අවශ්‍ය මෘදුකාංග
නිපදවන ක්‍රමලේඛකයකු බවට පත්වූයේ යැයි සිතමු. එවැනි අවස්ථාවක ඔබට සිදුවන්නේ විවිධ
සංවිධානවල පරිගණක පද්ධති සඳහා අවශ්‍ය මෘදුකාංග නිර්මාණය කර එම පද්ධති සකස් කර
දීමටයි.
උදාහරණයක් වශයෙන් ව්‍යාපාර ආයතනයක් විසින් එම ව්‍යාපාරයේ
එදිනෙදා ගනුදෙනු වාර්තා කිරීමට මෘදුකාංගයක් ඉල්ලා සිටියහොත් එය නිර්මාණය කර දිය
යුතුය. එසේම තවත් විටෙක පාසල් පුස්තකාලයකින් ඉල්ලා සිටියහොත් එම පුස්තකාලයේ පොත්
බැහැරදීම් හා භාරගැනීම් වාර්තා කිරීමට ඉල්ලා සිටි විටෙක එය නිර්මාණය කර දිය යුතුය.
මේ ආකාරයට පරිගණක ක්‍රමලේඛකයා විටෙක ව්‍යාපාර
ආයතනයකට මෘදුකාංග නිපදවයි. තවත් විටෙක පාසලක කටයුතු කළමණාකරණයට මෘදුකාංග නිපදවයි.
එසේම තවත් අවස්ථාවලදී බැංකු පද්ධතියකට, රෝහලකට හෝ හෝටල් පද්ධතියකට අවශ්‍ය මෘදුකාංග
නිර්මාණය කරයි.
මෙවැනි විවිධ වූ ආයතන සමග කටයුතු කිරීමට නම් ක්‍රමලේඛකයා
සතුව මේ සෑම ආයතනයක් පිළිබඳව ම දැනුමක් තිබිය යුතු බවට ඔබට වටහා ගත හැකිය.
උදාහරණයක් වශයෙන් යම් ව්‍යාපාර ආයතනයක කටයුතු පරිගණකගත කිරීම සඳහා මෘදුකාගයක්
නිර්මාණය කිරීමට පෙර එම ව්‍යාපාර ආයතනයේ කටයුතු සිදුවන ආකාරය පිළිබඳ මනා දැනුමක්
තිබිය යුතුය. පුස්තකාලයකට මෘදුකාංග නිර්මාණයට සූදානම් වන ඔබ පුස්තකාලයේ කටයුතු
සිදු වන ආකාරය පිළිබඳ මනා වැටහීමක සිටිය යුතුය.
මෙවැනි තත්වයක් අවබෝධ කර ගත් ඔබ දැන් සිතනුයේ
මෘදුකාංග නිර්මාණය කෙසේ වෙතත් මෙවැනි විවිධ ආයතන රැසක් පිළිබඳව තනි පුද්ගලයකු දැනුම
ලබා ගෙන සිටින්නේ කෙසේද යන්න පිළිබඳ විය යුතුය. එසේම අනාගතයේදී ක්‍රමලේඛකයකු වීමට
සිතා සිටි ඔබ දැන් එය ඉතා අසීරු වනු ඇතැයි උපකල්පනය කර ඇත. එවැනි ආයතනයකට මෘදුකාංග
නිර්මාණය කුමන ස්ථානයකින් ආරම්භ කර කුමන පියවර ඔස්සේ යා යුතුද යන්න ද ගැටළුවක් වනු
ඇත.
නැත. ඔබ කිසි සේත් අධෛර්යමත් විය යුතු නැත. ඕනෑම
සංවිධානයකට නැතහොත් ආයතනයකට අවශ්‍ය මෘදුකාංග නිර්මාණය කර එම පද්ධතිය නිර්මාණය
උදෙසා අනුගමනය කළ හැකි පොදු ක්‍රමවේද ක්‍රමලේඛකයන්ගේ පහසුව උදෙසා හදුන්වා දී ඇත.
එම ක්‍රමවේද පිළිබඳව අපි තොරතුරු පද්ධති
සංවර්ධන ක්‍රියාවලිය පාඩම යටතේ සාකච්ජා කරමු.
මෙම
පාඩමේදී අප පහත සඳහන් කරුණු කෙරෙහි අවධානය යොමු කළ යුතුය.
· පද්ධතියක් යනු කුමක්ද
· පද්ධතියක සංඝටක පද්ධති
· අත්යුරු තොරතුරු පද්ධති හා පරිගණක පාදක තොරතුරු
පද්ධති
· පද්ධති සංවර්ධන ජීවන චක්‍රය
· පද්ධති සංවර්ධන ජීවන චක්‍ර ආකෘති
අපි මෙම එක් එක් මාතෘකාව පිළිබඳව කරුණු සොයා
බලමු. මී ළග බ්ලොග් සටහන හරහා අපි එම මාතෘකා ආරම්භ කරමු.
Superb sir .I like to say my idia about this blog.sir this template is very common and it is not eye catching.sir you can put another template for that,I think it is best.there are so many free templates in internet.if you can use that template I think it is very useful for viewers.
ReplyDeleteHowever,this is useful our exam.i wish you all the very best sir.
This comment has been removed by the author.
Delete